Mettle Ziele

Letras:

© BrotherSinArm
Mettle Ziele
Kerre off dar Walt wess, was nach’n Enge werklsch ess,
komm doe Engelschne met Fleeschln droan, watzt de Sanse schonn dar Sansenmoan,
oder wartn verzgck Junfern goar, oder Wermre mann, na gaanze Schoar.
Äes ess awwer non moal gwess, wenn e Hemmel ann ne Helle ess,
ess dar Hemmel umm an ewwern Enge, ann allerhechsten Ponkte menge,
ann ganz ong, ann dar diefsten Stelle, doe es de donkle Helle.
Eech stellme dass nonn moal su ver, das enn Ewwerenge Hemmel wär,
doe setzt dar liewe Gott offn Sassle druuf, ann es derffen mann die Oartschen nuff,
ann enn Engerrenge wart dar Sansenmoan, haot a Fierschn fer de Frachen oan.

Eech hoe me etz moal ewwerläet, wies wärr, wenn eech en Hemmel keemb,
kä Gstriete, luuter fränklsche Liete, Ruche ann ver emmer Friede,
awwer me setzt a en Nawle rem, sengt Halleluja vor seech heen.
Enn Hemmel es alles graacht, ann a z Assen es goar ne schlaacht,
doch ferde Eewegkäet es a beschen stelle, me kemmt a emm ver langer Wille,
es zieht ann me hoet nex ongern Hemme dronger, ann hierscht ne, schucksens’desch d‘n Meehlbaag nonger.

Die Helle es’ds Geschentäel, emmer luut wird dort remgegreelt,
luuter Gangstre senn versammelt, ann alles dorchenaaner rammelt,
‚s stenkt noch Schwafel ann Raach, ann en en Botsch kocht häeßes Paach.
Awwer ‚s es a schiene worm, de Menschre senn sue reschtsch verdoarm,
Langewille stellt sech doe ne iin, `s gett a emmer was zu siehn,
ann alles es schiene bont, darfeer es awwer goar ne gsond.

Wemme nonn gwäehle käent, wuhenn me ann Enge kemmt,
schwerd ne Helle oder Hemmel nahme, das äene es su schlacht wie d’s aanre,
bi mee salls de mettle Ziele sie, doe kemmt moal wennstens erre verbie.
De mettle Ziele ess minne Woahl, alles aanre wer ver meech ne Quoal,
schwell vonn allen was, ann von käen zoveel, awwer was häest schonn, eech well,
kerre off dar Walt wess, was nach’n Enge werklsch ess.
Mettle Ziele, mettle Ziele,
vonn allen was, ann von käen zoveel, das es alles, was eech well,
mettle Ziele, mettle Ziele,
vonn allen was, ann von käen zoveel, das es alles, was eech well.